Zana haramu za uvuvi zakamatwa Kyerwa

Imewekwa tarehe: March 3rd, 2018

Afisa uvuvi wa Halmashauri ya Wilaya ya Kyerwa, ndugu Yasin Darabe  amekamata mitumbwi 17 na nyavu 750 zenye ukubwa wa macho chini ya inchi 3 katika ziwa Ruko kata ya Kitwechenkura. Hayo yamebainika katika doria iliyofanyika kati ya tarehe 1-2 Machi, 2018  baada ya Wilaya kuweka zuio la uvuvi kwa kipindi cha miezi sita  toka 3 Januari,2018 hadi 30 Juni,2018.

Aidha, Mwenyekiti wa Kijiji cha Ruko ndugu Aidan Ismail amebainisha kuwa baadhi ya wavuvi wasio waaminifu wamekuwa wakificha mitumbwi yao wakati wa mchana na kuitumia usiku kinyume na agizo/katazo la Mheshimiwa Mkuu wa Wilaya,Kanali Mstaafu Shaban I.Lissu. Naye ndugu Augustin John ambaye ni Mwenyekiti wa kikundi cha wavuvi katika mwalo wa Ruko,amesema atahakikisha zana zote haramu zilizopo eneo lake zinakamatwa na kuteketezwa.