Rushwa ni adui wa haki-RC Chalamila

Imewekwa tarehe: April 26th, 2023

1. Mkuu wa Mkoa wa. Kagera,Mheshimiwa Albert Chalamila amekasirishwa na vitendo vya rushwa vinavyofanywa na baadhi ya watendaji wasio waadilifu.Mheshimiwa Chalamila ameyasema hayo wakati wa maadhimisho ya miaka 59 ya Muungano yaliyofanyika katika viwanja vya shule ya sekondari Mabira.

Chalamila ameyasema hayo baada ya kupokea malalamiko ya wananchi kuhusu Vitambulisho vya Taifa. "Ni kweli kwamba anayekataza rushwa ni Kiongozi,na anayepokea rushwa ni Kiongozi,Haiwezekani kila siku tuzungumzie masuala yale yale ,magendo yale yale,hayo ni magendo au ni dili?" alisisitiza Mheshimiwa Chalamila.

Mkuu wa mkoa ameahidi kushughulikia suala hilo atakapokutana na viongozi katika kikao kazi cha ndani. 

Kyerwa ni moja ya Wilaya zenye malalamiko makubwa ya vitambulisho kwa mujibu wa Mheshimiwa Chalamila.

Pamoja na maadhimisho hayo,Mkuu wa Mkoa alikagua miradi ya Afya, na Maji siku hiyo ya maadhimisho.