Mtandao wa wafugaji Nkwenda wapata mafunzo kutoka ABEA

Imewekwa tarehe: June 12th, 2018

Mtandao wa wafugaji Nkwenda UNKWERWAKI, umepata fursa ya mafunzo ya siku moja juu ya ufugaji bora wa ng’ombe wa maziwa toka taasisi ya Animal Breeding East Africa (ABEA).Mafunzo haya yamefanyika katika ukumbi wa mikutano wa UNKWERWAKI hapa Nkwenda.

Katika mafunzo haya yaliyoendeshwa na Mr.Gidi na Fransis toka ABEA, wafugaji walifundishwa jinsi ya kumjua mnyama jike anapokuwa katika joto kwa ajili ya upandishaji,vyakula vifaavyo kumlisha mnyama ili atoe maziwa kwa wingi, jinsi ya kupima uzito wa mnyama, aina za ng’ombe wa maziwa , na suala la uhamilishaji kwa ujumla.

Aidha, wataalam hao walimtambulisha ndugu Baraka  Rutenge kama mhamilishaji wa Wilaya ya Kyerwa ambaye atapatiwa vifaa vya uhamilishaji na kuanza kazi hiyo mwezi Juni, 2018.Jumla ya wafugaji therathini walishiriki, wanawake 24 , na wanaume 6.