Mkuu wa Wilaya ya Kyerwa azindua bodi ya Afya

Imewekwa tarehe: April 19th, 2023

Mkuu wa Wilaya ya Kyerwa Mheshimiwa Zaituni Abdalla Msofe amezindua bodi ya afya  ya Halmashauri ya Wilaya ya Kyerwa siku ya Jumanne tarehe 18/04/2023.Uzinduzi huu ulifanyika katika ukumbi wa Hospitali ya Wilaya ya Kyerwa na ulihudhuriwa na viongozi wengine wa Wilaya akiwepo Katibu Tawala wa Wilaya ya Kyerwa, Mwenyekiti wa Halmashauri Mheshimiwa Bahati Henerico, na Mkurugenzi Mtendaji wa Halmashauri SACF James John.

Mheshimiwa Mkuu wa Wilaya alishuhudia mchakato wa kuchagua Mwenyekiti wa bodi ya afya ambapo ndugu  Selapion B. Kasenene  alichaguliwa kuwa Mwenyekiti mpya wa bodi hiyo. Wajumbe wengine waliochaguliwa ni ndugu Wegesa M. Wambura, Selapion B. Kasenene, Renatus M.Kapira, na Raifrida Nyamwizi Albert.

Bodi ya afya inajukumu na kubuni vyanzo mbalimbali vya mapato na kukusanya rasilimali za kutosha kuendesha huduma za afya, pia kujadili na kurekebisha mipango ya afya na bajeti.

Bodi ya afya itadumu kwa kipindi cha miaka 3 kuanzia tarehe 18/4/2023 mpaka tarehe 17/4/2023.