Mkurugenzi akerwa na uvamizi wa maeneo ya vituo vya wakulima

Imewekwa tarehe: September 26th, 2022

Mkurugenzi Mtendaji wa Halmashauri ya Kyerwa, Ndugu Sacf James John amesikitishwa na hali ya uvamizi wa wananchi katika maeneo ya ardhi za vituo vya kutolea mafunzo kwa wakulima (Farmers'Extension Center-FEC) unaoendelea kutokea katika kituo cha Nkwenda.Hayo yamebainika wakati wa ziara ya ukaguzi wa miradi uliofanywa na Timu ya wataalam wa Halmashauri (CMT) walipotembelea mradi huo hivi karibuni.

Katika ziara hiyo, ilibainika kwa kipindi kirefu wananchi wamekuwa wakilivamia eneo la FEC Nkwenda kwa ajili ya shughuli mbalimbali za kiuchumi na uzalishaji mali kutokana na eneo hilo kutokuwa na mipaka ya kisheria (hati ya ardhi).Hivyo, ili kudhibiti uvamizi huo, Mkurugenzi Mtendaji alimuagiza Afisa ardhi kuharakisha mchakato wa upimaji wa eneo hilo ili kupunguza migogoro isiyo na ulazima.