MHE. MSOFE ASISITIZA WANANCHI KISHIRIKI UCHAGUZI MKUU

Imewekwa tarehe: October 1st, 2025

Mkuu wa Wilaya ya Kyerwa Mhe. Zaituni Msofe amewahamasisha wananchi kushiriki Uchaguzi Mkuu unaotarajiwa kufanyika Oktoba 29, 2025.

Ametoa hamasa hiyo wakati akizungumza na wananchi wa Kijiji cha Umoja Kata ya Rwabwere ikiwa ni mwendelezo wa ziara zake za kusikiliza na kutatua kero za Wananchi.

Katika ziara hiyo Mkuu wa Wilaya amesema ifikapo tarehe 29 Oktoba wananchi wote wenye sifa wanatakiwa kwenda kupiga kura ili kuchagua viongozi wanaowata wao.

"...tusifanye kosa la kusikiliza propaganda zinazoendelea tukashindwa kwenda kutekeleza haki yetu ya msingi, haki ya kikatiba ya kwenda kuchagua viongozi tunaoona watatuletea maendeleo, wewe usipoenda kuchagua  utaletewa kiongozi halafu baadae utalalamika," ameeleza Mhe. Msofe.