MAFUNZO YA MIKOPO YA 10% YATOLEWA KWA KAMATI ZA HUDUMA ZA MIKOPO NGAZI YA KATA

Imewekwa tarehe: November 13th, 2024

Halmashauri ya Wilaya ya Kyerwa imeendesha mafunzo ya mikopo ya asilimia 10% inayotolewa na serikali kwa vikundi vya wanawake, vijana na watu walemavu.

Mafunzo haya yamefanyika Novemba 12, 2024 katika ukumbi wa mikutano wa Halmashauri ya Wilaya ya Kyerwa, ambayo yaliyowajumuisha Maafisa Watendaji wa Kata, Maafisa elimu Kata, Maafisa kilimo, Polisi Kata, Maafisa Maendeleo ya Jamii, na Maafisa Afya kutoka katika kata zote 24 za Kyerwa.

Mafunzo hayo yamelenga kuwajengea uwezo wa  kuunda vikundi vyenye sifa ya kupata mikopo, kuvifanyia tathimini, kuvisajili, na namna ya ufuatiliaji wa mikopo ya 10%.