Kyerwa yaadhimisha siku ya Malaria Duniani

Imewekwa tarehe: April 25th, 2023

Wilaya ya Kyerwa imeadhimisha siku ya Malaria Duniani kwa kutoa elimu kupitia matamasha na mikutano  kwenye Kata za Nkwenda,Rwabwere na Iteera.

Akizungumza na Afisa Habari wa Halmashauri, mratibu wa Malaria Wilayani, ndugu Goreth Zilyahuramu amesema kuwa kwa kushirikiana na programu ya Shinda Malaria , wameweza kuwafikia wanajamii wa kata 3 za NKwenda,Rwabwere,na Iteera ambapo wametoa elimu juu ya masuala ya kujikinga na ugonjwa wa Malaria. "Tunawashukuru wadau hawa ambao wamejumuika nasi katika kuadhimisha siku hii kwa kutoa elimu kwa awananchi wa Kyerwa" alisisitiza Ndugu Goreth.

Siku ya Malaria Duniani huadhimishwa kila tarehe 25 , na kauli mbiu ya mwaka huu ni wakati wa kutokomeza malaria ni sasa:badilika, wekeza, tekeleza. Ziro malaria inaanza na mimi.