KAMATI YA SIASA YAPONGEZA USIMAMIZI MZURI WA MIRADI WILAYANI KYERWA

Imewekwa tarehe: February 14th, 2025

KAMATI ya Siasa ya Wilaya ya Kyerwa imefanya ziara leo, Februari 14, 2025   kutembelea miradi mbalimbali ya maendeleo ndani ya Halmashauri ya Wilaya na kuridhishwa na usimamizi wa miradi hiyo.

Mwenyekiti wa Chama Cha Mapinduzi (CCM) Wilaya ya Kyerwa, Ndugu Daniel Damian, amempongeza Mkuu wa Wilaya Mhe. Zaituni Msofe, Mwenyekiti wa Halmashuari Mhe. Bahati Henerico, Mkurugenzi Mtendaji wa Halmashauri SACF. James John pamoja na Wataalam wote wanaosimamia miradi hiyo akibainisha kuwa itaongeza fursa kwa wananchi na kuchochea maendeleo kwa Wilaya ya Kyerwa.

Aidha, Ndugu Daniel amehimiza suala la upandaji miti pamoja na kutengeneza bustani katika maeneo yanayozunguka miradi hiyo  ili kutunza na kupendezesha mazingira katika maeneo hayo.

Miradi iliyotembelewa ni; Ujenzi wa jengo la Baba, Mama na Mtoto katika Zahanati ya Rukuraijo (80,000,000.00), Ujenzi wa Wodi ya Magonjwa Mchanganyiko Kituo cha Nkwenda (230,000,000.00), Mradi wa maji Rubilizi-Kikukuru (5,066,000,000.00), Ujenzi wa shule ya Sekondari mpya ya Ishaka-Isingiro (584,280,029.00) na Ujenzi wa shule ya Awali na Msingi mpya ya mchapuo wa kingereza-Kyerwa (300,000,000.00).