DC MSOFE AONGOZA KIKAO CHA TATHMINI YA MBIO ZA MWENGE UHURU 2024

Imewekwa tarehe: December 6th, 2024

DESEMBA 06, 2024 Mkuu wa Wilaya ya Kyerwa, Mhe. Zaituni Msofe ameongoza Kikao Cha tathmini ya Mbio za Mwenge wa Uhuru mwaka huu katika ukumbi wa Halmashauri ya Wilaya ya Kyerwa.

Mhe. Msofe ametoa shukrani kwa Viongozi wa vyama vya siasa, Kamati ya Ulinzi na Usalama ya Wilaya, wanakamati,  wananchi, taasisi binafsi na za Serikali na watumishi wote kwa ushirikiano wao waliounesha toka wakati wa maandalizi hadi kukamilika kwa Mbio za Mwenge wa Uhuru 2024 katika Wilaya ya Kyerwa.

Aidha ametoa tuzo kwa baadhi ya Watumishi na Wadau waliofanya vizuri na kusema kuwa "Tumetoa tuzo ili kutoa morali na motisha kwa watu ili waendelee kufanyakazi zaidi"

Awali Mratibu wa Mbio za Mwenge wa Uhuru Wilaya ya Kyerwa, Ndg. Daima Nkinda  ametoa taarifa kuwa Wilaya ya Kyerwa imepata  alama 80.43 na  imeshika nafasi ya 4 Kimkoa, Nafasi ya 5 Kikanda na nafasi ya 16 kitaifa.