NYARUZUMBURA MABINGWA LIGI YA WILAYA YA KYERWA

Imewekwa tarehe: September 20th, 2025

Katika mchezo wa kusisimua uliochezwa kwenye Uwanja wa  Isingiro leo tarehe 20, Septemba 2025, timu ya Nyaruzumbura imeibuka mshidi  baada ya kushinda penati  4‑3 dhidi ya timu ya Rwabwere  baada ya  kumaliza dakika 90 bila kufungana. 

Kwa ushindi huo, timu ya Nyaruzumbura  imejipatia kombe na kitita cha pesa taslimu shilingi Milioni mbili, na Mshindi wa Pili, Rwabwere imejinyakulia Milioni moja huku Timu ya Isingiro ikishika nafasi ya tatu na kujinyakulia Shilingi laki tano.

Mashabiki kutoka maeneo mbalimbali ya Wilaya ya Kyerwa walijitokeza kwa wingi kushuhudia mchezo huo wa kukatana na shoka wakiongozwa na Mgeni Rasmi wa Mchezo huo Mkuu wa Wilaya ya Kyerwa Mhe. Zaituni Msofe.

Akizungumza baada ya Mchezo huo Mkuu wa Wilaya ya Kyerwa amesema Serikali itaendelea kuunga mkono   wanaoanzisha ligi katika maeneo yao kwa lengo la kukuza michezo na kutoa fursa kwa vijana.

"Nawapongeza Abdulmajid Nsekela Foundation kwa kudhamini mashindano haya ya ligi ya  'Nsekela Cup' ambayo yanatoa nafsi ya kukuza vipaji vya vijana wa kwetu ndani ya Wilaya ya  Kyerwa," amesema Mhe. Msofe.