Wananchi wahamasika ujenzi wa Zahanati ya Rwensheshe

Imewekwa tarehe: December 2nd, 2019

Wananchi wa kata ya Rutunguru,Wilaya ya Kyerwa wameanza kukusanya vifaa vya asili kama mawe, na mchanga kwa ajili ya ujenzi wa Zahanati ya kata yao. Hii imekuja mara baada ya wakazi wa Rutunguru kuchoshwa na adha ya kufuata huduma za afya umbali mrefu.

Rutunguru ni moja ya kata chache Wilayani hapa ambazo toka Uhuru hazijawahi kuwa na Zahanati.Kwa kushirikiana na wenyeviti wa vijiji na vitongoji walioapishwa hivi karibuni baada ya kuchaguliwa katika uchaguzi wa Serikali za mitaa mwaka 2019,wameamua kuendeleza ujenzi wa zahanati ya Rwenshenshe ambayo kwa muda mrefu ilipangwa kujengwa lakini ikakwama.

Kwa muda mrefu wakazi wa Rutunguru wamekuwa wakitegemea Zahanati ya Kaisho na Hospitali ya Mtakatifu Thomasi-Isingiro kwa ajili ya kupata huduma za afya.