KIKAO CHA BARAZA LA WAFANYAKAZI LAPITIA RASIMU YA BAJETI YA HALMASHAURI

Imewekwa tarehe: February 20th, 2024

Wajumbe Baraza la Wafanyakazi Wilaya ya Kyerwa wamefanya kikao maalum cha baraza leo tarehe 20 Februari 2024 ili kupitia na kujadili rasimu ya mpango wa makadirio ya bajeti kwa mwaka wa fedha wa 2024/2025 katika ukumbi mdogo wa Halmashauri ya Wilaya ya Kyerwa.

Akiongoza kikao hicho Kaimu Mkurugenzi Mtendaji wa Halmashauri ya Wilaya ya Kyerwa Mwl. Stephano Ndabazi amewashukuru wajumbe kwa michango yao ambayo ilijikita kujadili maswala ya maslahi ya watumishi wa umma ikiwemo kulipa madeni ya watumishi, kuboresha mazingira ya wafanyakazi, kuboresha zawadi za wafanyakazi bora ikiwa ni pamoja na kujali watumishi wenye mahitaji maalum, pamoja na kuzingatia uwiano jinsia.