Wakazi wa Wilaya ya Kyerwa wanaopata huduma ya Maji safi na salama ni 48% .Huduma ya Maji kwenye Vijiji na Miji Midogo inapatikana kuanzia umbali wa mita 400 hadi Kilomita 10. Kiwango cha upatikanaji wa maji Kiwilaya umekuwa mdogo kunatokana na sababu mbalimbali kama vile wananchi kuishi juu ya Milima wakati vyanzo vya maji vipo chini, na uchakavu wa miundominu ya maji iliyojengwa miaka ya 1974-1983.
Mikakati ya Halmashauri katika kuinua sekta ya Maji
Halmashauri ya Wilaya ya Kyerwa katika kutimiza lengo la Serikali la Matokeo Makubwa Sasa "BIG RESULT NOW" idara ya Maji inatekeleza yafuatayo:-
Kuendelea kutoa Elimu juu ya Utunzaji wa mazingira ili kuhakikisha vyanzo vya maji vilivyopo havikauki.
Kuunda Kamati za Watumia Maji Vijijini. Mpaka sasa Halmashauri imehakikisha vijiji takribani 89 kuna Kamati za Maji na vikundi vya Umoja wa watumia Maji 12 (COWSOs) vimesajiliwa kwa mujibu wa sheria namba 12 ya 2009 ya Usambazaji wa maji na usafi wa mazingira.
Halmashauri imeendelea kuweka kwenye bajeti zake za ndani na nje fedha kwa ajili ya ukarabati wa miundombinu iliyochakaa sana.
Kuanzisha miradi ya kusukuma maji kwa kutumia teknolojia ya mashine.
Kushirikiana na wafadhiri kama World Bank katika miradi ya kuchimba visima virefu vya Maji katika Wilaya ya Kyerwa.
